Oxford Jesus College MS. 57 – page 59
Llyfr Blegywryd
59
kyssỽyn. o|r paỻa reith gỽlat idaỽ dirỽyus vyd.
Credadỽy vyd amodỽr rỽng deu·dyn a|e hadefo.
ac ueỻy rodyaỽdyr da am yr hynn a|rodho. ac
ỽrth hynny y|dywedir. nyt oes rod onyt o uod. a
rodyaỽdyr gỽreic a dyngo yn|y mod y roder. Y
neb a|alwo tyston. ac ny aỻo eu|dỽyn rac bronn
dygỽydedic vyd y dadyl. Oet tyston gorwlat
neu warant tra·mor. vn|dyd a|blỽydyn. ~
Pỽy bynnac a dechreuo dadyl argylus gyn+
drychaỽl paraỽt y atteb. a|gỽedy hynny tewi
ỽrthaỽ vn|dyd a|blỽydyn am yr vn dadyl hon+
no. ny dylyir y warandaỽ rac ỻaỽ. ony phaỻa+
ỽd kyfreith idaỽ o vyỽn un dyd a|blỽydyn. Ta+
laỽdyr ar ny thalo kỽbyl o|e dylyet. ef a|dyly y
dalu. O|r byd y·rỽng y talaỽdyr a|r dylyaỽr* dyd
gossodedic y talu y dylyet. ef a|dylyir aros y
dyd. Pỽy bynnac a ovynno dylyet trỽy gỽyn
kynn y oet. Kyhyt a|hynny y dyly ef vot heb+
daỽ gỽedy yr oet. Pỽy|bynnac a|gymero gauel
dros dylyet heb gennat arglỽydiaeth camlyr+
yus yỽ.
| « p 58 | p 60 » |