NLW MS. Llanstephan 27 (The Red Book of Talgarth) – page 93r
Mabinogi Iesu Grist
93r
o golomennot. yny doeth gỽr hen perffeith a gỽirion oed. sẏme+
on oed y enỽ. Y oet oed dengmlỽyd ar|hugeint a chant. a chan
grist y kaỽssoed na|bei varỽ yny welei grist uab duỽ yn|y gna+
ỽt yn vyỽ. A|phan|weles ef y mab y dywaỽt yn uchel iaỽn. Neur
o·vỽyaỽd duỽ y blỽyf heb ef. ac neur gyflenwis y edewit. ac ar
vrys yd aeth y adoli y|r mab. a gỽedy hynny y kymerth ef y
mab yn|y uanteỻ dan y wediaỽ a chussanu gỽadneu y draet.
ac y dywaỽt. Yn aỽr y gỽedy di dy was y dangnefed. Ac yna yd
oed yn|y demyl. sima verch samuel o lỽyth asser. a honno a
uuchedockayssei y·gyt a|e gỽr trỽy y gỽyrdaỽt yr yn seith
mlỽyd. Ac yna yd oed yn wedỽ trỽy yspeit pedeir blyned a phe+
dỽar ugeint. ac yn|y demyl yd oed yn wastat yn kynnal un+
pryt a|gỽedi. ac y wediaỽ y mab y|doeth. ac y|dywaỽt ual hynn.
Yn|hỽnn y mae profed·igaeth y bobyl. Gỽedy yspeit dỽy vly+
ned gỽedy hynny. y doeth y dewinyon o|r dỽyrein y gaerussa+
lem. ac anregyon maỽr ganthunt. ac ar hynt y govynna+
ỽd yr idewon. Pa|le y mae y brenhin a|anet ynni. Ni a
welsam heb ỽynt y seren ef yn|y dwyrein. a ninneu a|doe+
tham o|e wediaỽ ef. a|r chwedyl hỽnnỽ a|aeth hyt at eraỽ ̷+
dyr vrenhin. Ac yna y kynnuỻaỽd eraỽdyr hyneif a phari+
sewydyon a dyscwyr y bobyl. a govyn udunt a broffỽydy+
assei y proffỽydi a·nedigaeth crist. Ac ỽynteu a|dywedassant
vot yn wir hynny ym methleem. ac yna y gelwis eraỽ+
dyr y dewinyon. ac y govynnaỽd pa bryt yd ymdangos+
ses y seren udunt. Odyna yd anuones ef y rei hynny y
vethleem. eỽch heb ef tu a beth·leem. a|gouynnỽch y mab.
a|gỽelet a|wnaeth ef bot y dewinyon heb dyuot a|athoed o|e
| « p 92v | p 93v » |