NLW MS. 3036 (Mostyn 117) – page 241
Brut y Brenhinoedd
241
Ac ar nyt oed haỽd eu rifaỽ ygyt ac ỽynt. Ac yn lle
araỽn vab kynuarch y dodet. ywein vab vryen.
yn vrenhin. gỽr a uu glotuaỽr guedy hynny yn
llawer o volyanheu. Ac eissoes kyt bei trỽy lawer
diruaỽr o lafur arthur a|e lu a gauas y tir. A guedy
llad llawer oo nadunt* kymhell medraỽt a|e lu
ar ffo. A chyt bei mỽy niuer medraỽt; eissoes trỽy
dysc guastat a pheunydyaỽl aruer ar ymlad.
doethach a chymhennach oed niuer arthur. Ac
ỽrth hynny y bu reit y vedraỽt a|e lu kymryt eu
ffo. Ac yn| y lle eissoes ym·gynnullaỽ a wnaethant
ar vedraỽt y ffoedigyon o pop man. A chyrchu hyt
nos hyny doethant kaer wynt. A chadarn+
hau y dinas yn eu kylch. A phan doeth y chwedleu
hynny; Ar wenhỽyuar vrenhines; Sef a| wnaeth
hitheu anobeithaỽ yn vaỽr. A mynet o gaer efraỽc;
hyt yg kaer llion ar ỽysc. A guiscaỽ ymdanei yn
vanaches ygyt ar manachesseu ereill oed yno. yn
eglỽys Julius verthyr. Ac arwein yr abit honno
AC ym pen y trydydyd gue +[ hyt y hageu.
dy daruot cladu y guyr lladedigyon; kychw+
yn a| wnaeth arthur am pen kaer wynt yn flem+
ychedic o diruaỽr lit am ry| golli y saỽl honno o|e wyr
gan vedraỽt a|e lu. A phan ỽybu vedraỽt eu bot yg
kylch y dinas; bydinaỽ a| wnaeth ynteu gan annoc
y getymdeithon ac eu moli oc eu deỽred. A chyrchu
allan y rodi kat ar uaes y ewythyr. A guedy dechreu
| « p 240 | p 242 » |