NLW MS. Peniarth 11 – page 4v
Ystoriau Saint Greal
4v
uv gan baỽp rac mor ieuanc oed. a|e|anrydedu a|wnaei baỽp
yn vaỽr. kanys paỽb a|oedynt yn tybyeit y mae trỽydaỽ evo
y cỽpleit damchweinyeu seint greal ˄o achaỽs prouedigaeth
yr eistedua ỻe nyt eistedassei neb eiryoet heb govit. a|e anry+
dedu a|oruc laỽnslot idaỽ yn annat neb kanys yd oed yn|tyby+
eit mae euo a|ry wnathoed ef yn varchaỽc y bore kyn|no hyny.
Ac am·ovyn a|oruc laỽnslot ac ef am y gyflỽr. ac ynteu a vana+
gaỽd idaỽ lawer o betheu. Ac yna bỽrt a|lionel a|ymdidanyssant
am y|mab. a|r ymdidan a|gerdaỽd yn gymeint a|dywedut o ba+
ỽp o|r ỻys mae euo oed galaath uab laỽnslot o verch brenhin
peles. Ac yna vn o weissyon yr ystaueỻ a|doeth ac a|dywaỽt ỽrth
y vrenhines. arglwydes heb ef ryuedaỽt maỽr a|doeth yma
hediỽ. Beth yỽ hynny heb hitheu. Yn|y neuad y mae mackỽy
ieuanc yn eisted yn|yr eistedua beriglys. Yrof a|duỽ heb hitheu
da vu duỽ ac ef. roi gras ac enryded idaỽ y gỽplav yr hynn ̷
ny|s cỽplaaỽd neb eiryoet. ac am hynny ef a|eỻir credu idaỽ
y cỽplaa petheu a|vo mỽy. A|pha|ryỽ wr y diwyc yỽ euo. Arglỽ ̷+
ydes heb ynteu vn o|r gỽyr teckaf o|r byt yỽ ef. a|phaỽp yssyd
yn|dywedut y vot ef yn debic y laỽnslot. Ac yna y|bu chwanna ̷+
ỽc y vrenhines o|e welet ef. ac yna yd adnabu hi yn hyspys
panyỽ mab y laỽnslot oed ef o verch brenhin peles y vam.
A|phan|daruu y|r brenhin bwyta ac ymdidan. wynt a doeth+
ant y|r eistedua. A|r brenhin a|dyrchafaỽd y ỻenn a|oed ydan
y mackỽy. ac a|arganvu ar|hynt henỽ galaath. a|e dangos a|o+
ruc y walchmei. a|dywedut ỽrthaỽ. Gwalchmei heb ef y|duỽ
y diolchaf. weldy yma y marchaỽc y buost ti a|chỽbyl o ge ̷ ̷+
| « p 4r | p 5r » |