NLW MS. Peniarth 16 part i – page 10r
Deuddeg Pwnc y Gredo
10r
Sef yw pỽyll y geireu hynny. Mi a gredaf yn duỽ tad ho ̷+
llgyuoethaỽc creaỽdyr nef a|dayar. a|r pỽnc hỽnnỽ a|osso ̷+
des pedyr yn|y gred. y chỽech nessaf y hỽnnỽ a perthynant
ar Iessu crist ỽn mab duỽ a|guir ỽab dyn yr hỽnn a|gy ̷+
merth cnaỽd o|ỽeir wyry kyn escor a|guedy escor o we ̷+
ithred yr yspryd glan heb ỽr yn achaỽs. E|kyntaf o|r
chỽepỽnc yw [ Et in iesum christum filium eius unicum dominum nostrum.
Pỽyll y geireỽ hynny yỽ. Mi a gredaf yn Iessu crist y ỽn
mab ef yn harglỽyt duỽ ni. a|r pỽnc hỽnnỽ a|ossodes On ̷+
dras yn|y gred. Er eil pỽnc yw. Qui conceptus est de spiritu sancto
natus ex maria uirgine. A|r pỽnc hỽnnỽ a|ossodes Iago ebo+
stol hynaf. ystyr y geireu hynny yỽ. yr hỽn a|gaffad
o weithred yr yspryd glan. ac a aned o ỽeir wyry. Try ̷+
dyt pỽnc yỽ. Passus sub pontio pilato crucifixus mor ̷+
tuus et sepultus. a hỽnnỽ a|dodes Ieuan ebostyl braỽd ya ̷+
go uchod. Synhỽyr y geireu hynny yỽ. Iessu crist a|dio ̷+
defỽys y|dan y braudỽr y|hỽn a|elwir poncius pilatus. ac
a|groged ac a|wu ỽarỽ ac a|glatỽyd. E|pedweryt|pỽnc
yỽ. [ Descendit ad inferos [ A|hỽnnỽ a ossodes Thomas
ebostol. Sef yỽ pỽyll hynny. Iessu crist a disgynnỽys
y uffern. pymhed pỽnc yỽ [ Tertia die resurrexit a
mortuis ascendit ad celum sedet ad dexteram dei patris omni+
potentis. ar pỽnc hỽnnỽ a|ossodes Iago ebostol ieuaf.
a ffỽyll hynny yỽ. E|trydyt dyt y kyuodes o ueirỽ. ac yr
ysgynnỽys ar|y nefoet. ac y|mae yn eistet ar deheu duỽ
tad holgyuoethaỽc. Chỽeched pỽnc yỽ. Inde uenturus
est iudicare uiuos et mortuos. a hỽnnỽ a|ossodes phylip
ebostol. Sef yỽ hynny odyna y·ar deheu y tad y daỽ ef
| « p 9v | p 10v » |