NLW MS. Peniarth 18 – page 15r
Brut y Tywysogion
15r
uot ar vrys. abreid yd athoed ef dros y|drỽs na+
chaf y marchogyon yn dyuot y geissaỽ. ac ny a+
llaỽd amgen no|chyrchu eglỽys aber daron ar
naỽd. ac gỽedy clybot o ruffud vab kynan y di+
anc yr eglỽys. anuon gỽyr y|tynnu ef o|r eglỽys
allan. ac ny adaỽd escyb a|henafyeit y|wlat hyn+
ny rac llygru naỽd yr eglỽys. a gvedy y ellỽg o|r
eglỽys ef a ffoes yr deheu ac a|deuth y ystrat tyỽi
a|gỽedy clybot y petheu hynny llaỽer a ymgynu+
llaỽd attaỽ o pop|tu. ac ynteu a|duc kyrch anhe+
gar am benn y freinc ar flemisseit yny daruu y
ulỽydyn honno Y vlỽyn racỽyneb y kyrchaỽd
gruffud vab rys yr hỽnn a|dyỽedyssam ni uchot
yn|y urỽydyr gyntaf y castell a|oed yn ymyl ar+
berth ac y lloskes. Odyna yd|aeth hyt yn llan·ym+
dyfri. lle yd oed castell nebun teỽyssaỽc a|elỽit rik+
ert vab y ponsỽn y gỽr y rodassei henri urenhin id+
aỽ y cantref bychan ac y proues y|torri a|e losci ac
ny|s gallaỽd kanys ymỽrthlad ac ef a|ỽnaeth kei+
tỽeit y castell. a chyt ac ỽynt Maredud vab ryder+
ch vab Cradaỽc y|gỽr a oed yn kynhal ystiỽerdae+
th y·dan y dyỽededic rickert. Y rackastell eissoes a|lo+
sces. ac gỽedy ymsaethu o|r tỽr ac ef. a brathu lla+
ỽer o|e ỽyr a saetheu a llad ereill. yd ymhoelaỽd
drachefen. Ac gỽedy hynny yd anuones y gedym+
deithon y|wneuthur kyrch a|chynnỽrỽf ar castell a
| « p 14v | p 15v » |