NLW MS. Peniarth 190 – page 159
Ystoria Lucidar
159
kanys ỻunyaethaỽd wneuthur hynny
ohonunt. ac ỽynteu a|obeithaỽd yndaỽ
ef o|e hoỻ lauur. Dylyet yỽ hynny heuyt
ar yr hoỻ seint. kanys kymerassant y
dỽy wisc. a hynny ar eu kanuet. Y nef
a|r daear heuyt a|e dyly. a|phob creadur
kanys ỽynt a symudir yn ansaỽd ar+
derchaỽc. a hynny yr gobrwyon udunt.
discipulus O diogelrỽyd y seint. Magister Diogelrỽyd
Eli. ac Enoc. goual ac ovyn vydei hyn+
ny ganthunt ỽy. kanys kyn diogelet
yỽ udunt ac nat oes arnunt ovyn
angheu na|dryc·dynghet. ac nyt ary+
neigant vyth coỻi yr hynn a|dywetpỽyt
uchot oỻ. kannys dỽc duỽ y ganthunt.
ac ỽynteu yn garueidaf meibyon idaỽ
ef. ac ny aỻant ỽynteu vyth y goỻi. ac
ỽrth hynny ny|s coỻant. discipulus O gyflaỽn lew+
enyd y seint. Magister ỻewenyd dyn a|dyckit y
grocwyd. ac yna y wneuthur yn vrenhin.
Tristyt vydei hynny ganthunt ỽy. discipulus Pa
ryỽ lewenyd a|gogonyant a|gaffant ỽy
| « p 158 | p 160 » |