NLW MS. Peniarth 190 – page 216
Ymborth yr Enaid
216
ymwascu a|e garu ef. Ac yna coffa yn
hyspys na throych dy uedỽl ar neb·ryỽ
beth cnaỽtaỽl. nac ar|dim arall. onyt
arnaỽ ef e|hun. a|hyt y geỻych lutaf. ga+
lỽ ar yr enweu dirgeledigyon hynn drỽy
eu|gỽir serchaỽl adoli yn dy vedỽl a|chre+
du y|ỽ gỽyrtheu. ~ Messẏas ~ Sother.
~ Emanuel. ~ tetragramaton. ~ Saba+
oth. ~ adonaẏ. ~ alpha. ~ et Omega. ~ agẏos.
~ amen. ~ aỻelẏa. ~ A|thrỽy dygynlut
serchaỽl alỽ ar y|sercholyon enweu hynn
ymdyro etto a vo mỽy y garueidserch y
nefaỽluab yny glywych yn|dy|gylch ad+
vỽynber arogleu ystor yn kyflenwi hoỻ
synhỽyr dy ffroeneu a|th hoỻ eneit o|di+
grifỽch y safỽr hỽnnỽ. Ac yna gỽybyd
ry|dyuot y ysprydaỽl anadyl ef attat ti
yny wypych y uot ef yn gorfforaỽl gyt
a|thi kynny|s|gỽelych. ac yna dygynlut a+
lỽ ar yr|enweu o gỽbyl ewyỻys yny syrth+
yo arnat vynych berlewycuaeu yn dissym+
| « p 215 | p 217 » |