NLW MS. Peniarth 32 (Y Llyfr Teg) – page 162
Llyfr Iorwerth
162
1
Teir rỽyt brenhin. assweỻt* y veirch. a|e genueint
2
voch. a|e genueint warthec. o chyỻ dyn aniueil
3
a|e gaffel ymplith aniueileit y brenhin; ef a|dyly
4
pedeir keinhaỽc o bop un onadunt. Teir rỽyt
5
gỽrda; assweỻt* y veirch. a|e genueint warthec. a|e
6
genueint voch. y gỽrda a geiff pedeir keinhaỽc
7
o bop aniueil o|r a|gaffo ymplith y rei hynny.
8
Teir rỽyt taeaỽc; y genueint warthec. a|e
9
genueint voch. a|e hendref. O galan mei hyt
10
aỽst; o cheiff ef aniueileit ar gyueilorn. ef a
11
dyly pedeir keinhaỽc gob·yr manac. kanys y
12
decuet o gyfreith o|r a uanacker yỽ messur
13
gobyr manac. Teir telyn kyfreithaỽl yssyd; tel·yn
14
brenhin. a thelyn penkerd. a thelyn gỽrda.
15
Gỽerth y dỽy gyntaf; chỽeugeint bop vn. kyỽ+
16
eirgorn pob vn pedeir ar|hugeint a|dal. Telyn
17
gỽrda; trugeint a|dal. a|e chyweirgorn deudec keinawc.
18
Teir keluydyt ny dyly mab taeaỽc eu dys+
19
gu heb ganhat y arglỽyd. a|chyt as|dysco; ef
20
a|dyly eu dỽyn trachefyn. o·nyt yscolheic gỽe+
21
dy kymero urdeu. Sef ynt y rei hynny; ys*+
22
colheictaỽc. a bardoni. a|gouannyaeth. Tri
23
pheth ny eiỻ taeaỽc eu gỽerthu heb gan+
24
hat y arglỽyd; mel. a moch. ac amỽs. ac os
25
gỽerth; bit dirỽyaỽc. ac attorher y newit. ac
26
ony|s|pryn y arglỽyd; gỽerthet y ford y mynno.
| « p 161 | p 163 » |