NLW MS. Peniarth 32 (Y Llyfr Teg) – page 191
Llyfr Iorwerth
191
1
o|r a|wnel. Y neb a|watto dỽyn caeth·ledrat; rodet
2
lỽ pedwar|gỽyr ar|hugeint a|r neiỻ hanner yn|wyr
3
not. Tri pheth yssyd ryd y a|e kaffo eu kymryt
4
y ar ford. keinhaỽc. a phedol. a nytwyd. Pỽy
5
bynnac a dalo kynnassed pan gymero y tir; ny
6
thal ebediỽ pan vo marỽ. O|deruyd. bot dyn yn|gỽar+
7
chadỽ tir a|daear. neu da araỻ. a|chyuodi haỽl
8
arnaỽ. a|e wyssyaỽ. a|gomed y dadleu kyntaf o+
9
honaỽ. a|r eil. a|r trydyd; y brenhin a|dyly camlỽrỽ
10
am bop vn o|r y gemedo. ac os y trydyd a omed;
11
dotter yr haỽlỽr yn|y medyant. a chamlỽrỽ y|r
12
brenhin. a pha bryt|bynnac y mynno y neb a vo
13
yn|y warchadỽ holi; bot yn agoret kyfreith. idaỽ. o+
14
nyt amser kaeat kyfreith. vyd. Tri agwedi kyfreithaỽl; ag+
15
ỽedi merch brenhin; pedeir|punt ar|hugeint. a|e
16
chowyỻ; ỽyth punt. agỽedi merch uchelỽr;
17
teir|punt. a|e chowyỻ; punt. agỽedi merch
18
mab eiỻt; punt. a|e chowyỻ pedeir ar|hugeint.
19
Tri|dyn ny dylyant eu kladu yg|kyssegyr;
20
ỻeidyr. a dihenydyer am y ledrat. a bradỽr ar+
21
glỽyd. a ffyrnicỽr. a|dihenydyer am y fyrnicrỽ+
22
yd. O|deruyd. diuarnu gỽelygord o dir. a bot rei o|r
23
welygord yg|gorwlat. ac nat arhoer y rei hyn+
24
ny am kyfreith. ỽynt a|dylyant kyfreith. pan|delont hyt
25
ym·penn vn dyd a|blỽydyn. o·ny|s holant ỽynteu
26
yn hynny o amser; kayedic uyd kyfreith. udunt o hynny
| « p 190 | p 192 » |