NLW MS. Peniarth 32 (Y Llyfr Teg) – page 21
Llyfr Iorwerth
21
ryd. a|e uarch. a|e wisc mal y rei ereiỻ. Ny dyly ef le
deduaỽl. Y letty yỽ ygyt a|r distein. Y naỽd yỽ o|r
pan|dechreuho gỽneuthur kerỽyneit o ved; yny
rỽymho yr hỽyl am y phenn. dỽyn y dyn a|wnel
y cam. Ef a|dyly traean y kỽyr neu pedeir keiny+
aỽc yn|y le y gan y|distein. neu archenat a dalho
pedeir keinyawc. val hynn y rennir kỽyr y wled. Y trae+
an y|r medyd kysseuin. a|r deu·parth a|rennir yn
dri thraean. Y deuparth y|r neuad. a|r traean y|r
ystaueỻ. Y werth a|e sarhaet mal pob un o|r ỻeiỻ.
D Eudecuet yỽ y medyc. Ef a|dyly y dir yn
ryd. a|e uarch. a|e wisc. Y le yn|y neuad yỽ ym
mon y post a vo ygyt a|r kelui. y bo y brenhin
yn eisted yn|y ymyl. Y letty yỽ ygyt a|r penteulu.
Y naỽd yỽ o|r pan|archo y brenhin. idaỽ mynet ỽrth
dyn archoỻedic neu glaf. nac yn|y ỻys nac odie+
ithyr y ỻys y bo y|dyn yndaỽ. dỽyn y dyn a wnel
y cam. Ef a|dyly gỽneuthur medeginyaeth rat
hyt tra|vo yn|y ỻys y|r teulu dyeithyr eu gỽaet
diỻat. o·nyt vn o|r tri arberigyl ual y dywetpỽ+
yt uchot. am bop vn o|r tri pherigyl hynny y dy+
ly pedeir ar|hugeint amoreth*. am rud·eli; deudec
keinyaỽc. am lysseu. pedeir keinyawc. kyfreith. ac y vỽyt
beunoeth. keinyawc. kyfreith. Y oleuat bop nos keinyawc kyfreith. Gỽerth
padeỻ uedeginyaeth. keinyawc. kyfreith. Medyc a dyly kym+
ryt tyỻwed y gan genedyl yr archoỻedic o|r byd
| « p 20 | p 22 » |