NLW MS. Peniarth 32 (Y Llyfr Teg) – page 69
Llyfr Iorwerth
69
haeaf a|r gỽanhỽyn. ỽrth diwyỻyaỽ y daear yn|y
deu amser hynny. rac ỻesteiryaỽ eredic y gỽanhỽ+
yn. a medi y kynhaeaf. Sef achaỽs y mae naỽ
nieu gỽedy kalan gaeaaf* yn gaeat o|r kyfreith. a naỽ
nieu gỽedy gỽyl san freit yn agoret o|r kyfreith. rac caeu
kyfreith. yn dydyaỽc. a naỽ nieu gỽedy kalan mei
yn gaeat. a naỽ nieu gỽedy aỽst yn agoret kyfreith. rac
agori Kyfreith. heuyt yn un·dydyaỽc.
P ỽy bynnac a vynho kyffroi haỽl am dir
a|daear; kyffroet pan vynho o naỽuettyd
kalan gaeaf aỻan. neu o naỽ·uettyd mei. kanys
yn|yr amseroed hynny y byd agoret kyfreith. am tir a
daear. deruyd y haỽlỽr mynnu holi tir yn|yr amser+
oed hynny; deuet ar yr arglỽyd y erchi dyd y wa+
randaỽ y haỽl a hynny ar y tir. Yn|y|dyd hỽnnỽ
datkanet ynteu y haỽl. Ny dyly caffel atteb y dyd
hỽnnỽ. kanys haỽl deissyfyt yỽ ar y gỽercheitw+
eit. ac ỽrth hynny y|gỽercheitweit a|dylyant oet
ỽrth borth. Jaỽn yỽ y|r haỽlỽr y ludeas udunt.
onyt kyfreith. a|dyweit y|dylyu o·nadunt. ac yna y
mae iaỽn y|r ygneit eu gỽarandaỽ. a|gouyn ud+
unt; pa le y mae eu porth. O|r dywedant bot
eu porth yn eu kymỽt eu|hun; rodher oet udunt
tri·dieu. O|r byd yn|yr eil kymỽt; naỽ nieu.
O|r byd yn|y trydyd kymỽt; neu vot ỻanỽ a
threi y·rygthunt ac eu porth. os kynn hanner
| « p 68 | p 70 » |