NLW MS. Peniarth 37 – page 52v
Llyfr Cyfnerth
52v
A lle y tei ar ysguboryeu a rycheu y tir a
ardỽyt. Pob un or rei hynny a dygant
tystollaeth y dyn ar y dylyet. Tygu tir.
Ny dyly tỽng ar tir dyỽ sul na dyỽ llun
Dyỽ sul dyd y wediaỽ. Dyỽ llun
dyd y lauuryaỽ y keissaỽ creireu a def+
neu y tyngu y tir. Pỽy| bynhac a lad+
ho y uraỽt am na rann tref tat ac ef y llof+
rud honno ny dyly kenedyl talu gala+
nas gyt ac ef. Namyn ef a dyly talu
galanas eu kar udunt hỽy a bit colle*
byth o tref y dat lle dyly keitweit;
Llyma y lleoed y dyly keitweit uot;
yn gyntaf y cadỽ tir a dayar gan dyn
Eil yỽ cadỽ kyn coll. Trydyd yỽ cadỽ
geni a meithrin. Pedweryd yỽ cadỽ
gwesti. Pymhet yỽ cadỽ breint.
Chwechet yỽ cadỽ alltud gan dyn.
Sef
| « p 52r | p 53r » |