NLW MS. Peniarth 37 – page 55v
Llyfr Cyfnerth
55v
gwerth. Hebaỽc. A gwalch. A chig+
uran. Perchennaỽc y tir y lladher
arnaỽ a dyly dec ar| ugeint y gan y neb
a ladho pob un o·honunt. ~ ~ ~ ~ ~ ~ ~ ~ ~ ~ ~
TRi hỽrd ny diwygir. Un o·honunt
Gouyn iaỽn o dyn y elyn yn tri
dadleu am y kar. Ac na chauas iaỽn. A
chyuaruot y elyn ac ef gwedy hynny
a gwan hỽrd yndaỽ a gwayỽ yny uei
uarỽ ny diwygir idaỽ. Eil yỽ gỽneu+
thur eidiged o wreic ỽryaỽc ỽrth wreic
arall am y gỽr a chyuaruot y dỽy wra+
ged a gwan hỽrd or wreic ỽryaỽc yn| y
llall ae dỽylaỽ yny uo marỽ ny diwyg+
ir idi. Trydyd yỽ roddi morỽyn y ỽr
a mach ar y morỽyndaỽt a gwan hỽrd
yndi or gỽr a bonllost ae hymrein un
weith ae chaffel yn wreic. Ef a dyly
| « p 55r | p 56r » |