NLW MS. Peniarth 46 – page 152
Brut y Brenhinoedd
152
yrydunt medylyaỽ a oruc kynan ke+
issaỽ gỽraged dylyedaỽc ỽrth hilyaỽ
plant o·nadunt a|gynnhalei y kyuoeth
yn dragyỽydaỽl. ac ual na bei
gyuathrath yrydunt a|r fre +
inc na chymysc yn|y genedyl namyn
eu bot yn iaỽn uryttannyeit. Sef a|or+
uc kynan anuon at dunaỽt urenhin.
kernyỽ y erchi y|uerch yn ỽreic idaỽ
ef. canys honno yd oed yn|y charu yn
uỽyhaf gỽreic herỽyd y|bonhed. a|e
thegỽch. a|e dylyet. a|e diỽeirdeb. ac
am hynny. erchi a|oruc kynan idaỽ t
trỽy lythyreu kynnullaỽ a|uei ỽedy
o uerchet dylyedogyon ynys. prydein ỽrth eu
rodi y dylyedogyon ynteu. ac erchi he+
uyt idaỽ kynnullaỽ a|gaffei o|ỽraged
gỽedỽ ereill a|uei is eu breint ỽrth eu
rodi yn llydaỽ y|gyuryỽ ac ỽynteu he+
rỽyd mal y|dirperei baỽp o·nadunt.
Sef oed y|dunaỽt hỽnnỽ. braỽt y|ca ̷ ̷+
| « p 151 | p 153 » |