NLW MS. Peniarth 46 – page 166
Brut y Brenhinoedd
166
hyf ui a|chann bop tyỽyssaỽc a|gỽyr rufein.
a argyỽedỽys idi yn uỽyhaf o|e dryc+
arglỽydiaeth hyt na eill nep tyỽyssaỽc
bellach gynnal y|theilagdaỽt idi. nac
hep talu teyrnnget udunt oheni. ac
ỽrth hynny ỽrda hep ef pỽy ny bei ỽell
gantaỽ kyuoeth bychan hep geithiỽet.
noc un maỽr ac yn gaeth tragyỽydaỽl.
ac eissoes hep ef yr ynys a|dyỽedy di.
Canys bu eidun y|m ry·eni i mi a|rodaf
yti custennin uym braỽt yn nerth a|dỽy
uil o|uarchogyon ygyt ac ef y|edrych a
uynnho duỽ idaỽ rydhau yr ynys hon+
no y|gann estraỽn genedyl agkyfyeithus.
a|chymeret ef coron y|teyrnnas honno
o|r mynn duỽ idaỽ gallu y|hennill. ac
rac bygỽth ryuel yssyd arnaf|i gann
freinc. nyt adaỽaf|i yr aỽr honn mỽy
no hynny yti. ac yna y|rodes cuhelyn
laỽer o|diolcheu y|r brenhin. ac o|r lle
galỽ custennyn attaỽ a|dyỽedut ỽrthaỽ
| « p 165 | p 167 » |