Breudwd Welsh Prose 1300-1425
Cymraeg

Shrewsbury MS. 11 – page 119

Elen a'r Grog

119

ẏn eglur o diruaỽr leuuer ac ẏn ẏscriuene+
dic ẏ tittẏl yn ẏr arỽẏd hỽnn y goruẏdy di
a|phan welas ef yr arỽyd hỽnnỽ ẏ goruc
ẏnteu ẏ kyffelyp arỽẏd a|e rodi o|e ulaen
a chẏrchu ẏ elynnẏon a goruot a oruc ẏ
dẏd hỽnnỽ trỽẏ nerth ẏ groc ac yna y do+
yth Custenyn ẏ|r dinas ac ẏ dẏuunaỽd at+
taỽ oll yr effeireit ẏ geudỽẏeu a gouẏn ẏ
pop vn onadunt pieuoed yr arỽẏd hỽn+
nỽ ac nyt attebaỽd ẏr un ẏdaỽ ac ẏna
ẏ dẏwat rei panẏỽ arỽyd duỽ o|r nef ẏỽ
A|phan doeth ẏ chwedyl ar ẏr ẏchydic o g+
ristynogyon oed ẏn|ẏr amser hỽnnỽ dẏuot
a|orugant at ẏ brenhin a menegi idaỽ
rinwed ẏ trindaỽt ac ual ẏ doeth Crist
yg knaỽt ac ual ẏ diodefaỽd ar ẏ croc
Ac ẏna ẏd anuones custenẏn ar Gusebino
oed pap ẏn ruuein ẏna o|e dẏuẏnu atta+
ỽ a hỽnnỽ a|e bedẏdẏỽẏs ef yn|ffẏd crist
Ac ẏ peris ynteu adeilyat eglỽysseu a