Breudwd Welsh Prose 1300-1425
Cymraeg

Shrewsbury MS. 11 – page 51

Gwasanaeth Mair

51

dy iachwyawl di Yr hwnn a baratoeist ar
gyhoed geyr bronn wyneb yr holl bobloed.
Goleuat ardamlewẏchẏat ẏ|kenedloed.
a gogonẏant dẏ blỽẏf israel ẏn oes oesso+
ed. Gogonyant y|r tat Megys ẏdẏ Antem
Dan dy naỽd ẏ foỽn santes vamaeth duỽ
na dirmycka ẏn gỽedieu ỽrth yn aghen+
nẏon namyn rydhaa ni o|n holl beriglon
yn wastat vendigeit wẏrẏ ueir Gwedi
C anhatta drugarawc duỽ ẏnni naỽd
megẏs yd ym ẏn gỽneuthur coffaỽ+
durẏaeth santes vammaeth duỽ vellẏ o
nerth ẏ chyfrỽg·darostẏgedigaeth hi ẏ ky+
uottom ni o|n henwiredeu. Drỽẏ yn arglỽ+
ẏd ni iessu grist Amen. Antem gyffredin
H anpẏch gỽell vrenhines ẏ drugared
ẏn bẏwẏt a|n digrifỽch a|n gobeith
hanpych gwell attat ẏ llefỽn ni alltudyon
ueibyon eua attat yd ucheneidẏỽn drỽẏ
gỽynuan ac ỽẏlofein ẏg glẏn ẏ dagreu