Shrewsbury MS. 11 – page 61
Pa ddelw y dylai dyn gredu i Dduw
61
Pechawt. Marwawl ẏỽ digassed. Sef ẏỽ hẏnnẏ cadỽ o dẏn
lit a gỽenỽẏndra ẏn erbẏn ẏ gẏmodaỽc
o achaỽs collet neu gam a wnelit idaỽ a
cheissaỽ ẏmdial ac ar drỽc drỽẏ eir neu
weithret Pedỽẏrẏd Pechawt. Marwawl. ẏỽ llesced a di+
ogi a cheigeu r pechaỽt hỽnnỽ ynt ẏsca+
lussaỽ gỽassanaeth duỽ ẏn|ẏr amser ẏ dẏ+
lẏo dẏn ẏ wneuthur neu ẏ gẏrchu torri
gouunet peidẏaỽ a phenẏt a dottei ẏ be+
riglaỽr arnaỽ anobeithaỽ am drugared
duỽ tristau ẏr colli da bẏdaỽl neu dẏnẏ+
on a|r kẏffelẏpedigẏon ỽeithredoed Pẏ+
met. Pechawt. Marwawl. aghaỽrder a chebẏdẏaeth Sef
ẏỽ hẏnnẏ chỽẏnnẏchu o dẏn neu geissyaỽ
da bẏdaỽl mỽẏ no|digaỽn Sef ẏỽ digaỽn
ẏ dẏn bỽẏt a dillat med Selyf doeth neu
gỽedẏ kaffei dẏn da bẏdaỽl ẏ garu ẏn
ormod neu vot ẏn llaỽ gaẏat ohonaỽ a
cheigeu ẏ pechaỽt hỽnnỽ ẏ|ỽ treis a lle+
drat ac ockyr a phob tỽyll gyfneỽit ac
| « p 60 | digital image | p 62 » |