Cambridge Trinity College MS. O.7.1 – page 31v
Llyfr Blegywryd
31v
wraged. Ar yr eil enllip; llỽ pedeir gỽra ̷+
ged ar dec. Ar trydyd enllip; llỽ deg
wraged a deugeint. or byd neb ryỽ hys ̷+
pysrỽyd ar yr enllib. Or byd rodyeit
ar wreic y ỽr; bit y gỽr y dan y gỽadaỽl
hyt ympen y seith mlyned. Ac o cheiff
hi teir nos or seithuet ulỽydyn. han ̷+
her y holl da a geiff y wreic pan yscar+
hont. Ac ual hyn y renhir y da. y gỽr
a geiff y moch. Ar wreic y deueit. Ody ̷+
na y wreic a ran ar gỽr a dewis. eithyr
y dotrefyn a renhir ual hyn. y llaeth+
lestri oll yr wreic onyt un payol. ar
dyscleu oll onyt vn dyskyl. ar un pay ̷+
ol. ar un dyscyl a geiff y gỽr. y gỽr
heuyt a geiff y carr ac un or gỽedeu.
a holl lestri y llyn. ar kerỽyneu oll
ac a uo danunt or dillat gỽely. Ar
wreic bieu a uo arnunt or dillat
gỽely. Os y gỽr ar hynt a gymher gỽr ̷+
eic arall. ef a dyly anuon dillat y|gỽe ̷+
ly kyntaf y wreic a ỽrthodet. Y gỽr a
geiff y gallaỽr ar tappin. neu y bryc ̷+
can ar gobenhyd. ar cỽlltyr. Ar uỽell
| « p 31r | p 32r » |