BL Additional MS. 14,912 – page 74v
Campau'r Cennin
74v
rac brath ki kyndeiryaỽc neu anive+
il araỻ gỽenỽnic berỽ ef myỽn o+
leỽ o|r eliỽydd a chymysc yn da ac ir
ac ef. [ Araỻ yỽ y kymysgu a mel
a|e dodi ar y brath yn blastyr. Da yỽ
garỻec rac ỻaỽer o heineu penn y ver+
ỽi myỽn ỻefrith a|e yuet y nos. a rac
bolỽyst y verỽi myỽn gỽin neu dỽfỽr
gyt ac yscol grist a|e rodi y|r claf yuet
Betonica yỽ cribeu san|ffret a elỽir ces+
tion yg|groec y neb a aruero y|ỽ yuet
nyt ar·gyỽedda y tosted arno a da yỽ
rac chỽydu gỽaet a da yỽ y|berỽi myỽn
gỽin a mel y·gyt y beri estỽng hỽydd
y bolỽyst a da yỽ y vorteru y deil yn van
a|e dodi ar lygat rac asgen. a da yỽ
y sugyn y dodi yn|y clusteu y bo claf
dyn a da yỽ y pỽdyr a mel gỽedy y
verỽi
| « p 74r | p 75r » |