Bodorgan MS. – page 43
Llyfr Cyfnerth
43
1
Amser kayat kyfreith yỽ y gỽanhỽyn. ka+
2
nys diteruysc y dylyir eredic a llyfnu yna.
3
Os yn naỽuetdyd mei y dechreu holi ae
4
o·hir am varn o dyd y dyd hyt aỽst. Odyna
5
ny cheiff barn hyt y naỽuetdyd o racuyr.
6
kanys tymhor kayat yỽ y kynhayaf o ach ̷+
7
aỽs dỽyn yr yt y myỽn.
8
TRi ryỽ datanhud tir yssyd. datanhud
9
karr. A datanhud beich. A datanhud
10
eredic. Y neb a ofynho datanhud o|r tir a
11
gynhalyassei y tat hyt varỽ trỽy weres ̷+
12
cyn o eredic; datanhud o gỽbyl a dyly y gaff ̷+
13
el ony byd o gorff y tat etiued a vo dylyedo ̷+
14
gach noc ef. neu vn vreint ac ef yn kyn ̷+
15
hal tir yn y erbyn. neu yn kytofyn
16
datanhud ac ef yn| y llys. Ac yno y tric yn
17
orffowyssaỽl heb ỽrtheb y neb o|r tir hyny del
18
amser medi. Ac ymchoelut y gefyn ar y
19
das. ony daỽ a uo teilygach noc
20
ef. O|r daỽ a vo teilygach; hỽnnỽ a|e keiff oll.
21
Os y kyffelyp a daỽ; y kyffelyp ran a geiff.
22
Os datanhud a ofyn dyn o|r tir a werescyn+
23
assei y tat trỽy lỽyth karr; datanhud o gỽ+
24
byl a dyly. A gorffowys yno yn dihaỽl naỽ
« p 42 | p 44 » |