BL Cotton Cleopatra MS. A XIV – page 83v
Llyfr Cyfnerth
83v
kyfreith yỽ guerth pop vn ohonunt. Y neb
a noetho gayaf·ty trayan y werth a|tal.
Guerth kynhayaf·ty. pedeir ar hugeint.
a| tal. Or byd tỽll taradyr yndaỽ. Ac ony
byd deudec keinhaỽc a tal. Haf·ty deu ̷+
dec keinhaỽc a|tal. Forch haf·ty neu gyn ̷+
hayaf·ty dỽy geinhaỽc kyfreith a|tal.
Dorglỽyt dỽy geinhaỽc kyfreith a| tal.
Esgubaỽr brenhin wheugeint a| tal.
Ysgubaỽr breyr trugeint a| tal. Ys ̷+
gubaỽr tayaỽc brenhin dec ar| hugeint
a| tal. Gattet paỽb y ysgubaỽr yn agoret
hyt galan gayaf y uynet guynt yndu ̷+
nt. Ac or daỽ ysgrybyl udunt talet eu
perchenaỽc eu llỽgyr. Guedy gỽyl yr
hol·seint ony byd ban·gor yn tri lle ar y
paret y ysgubaỽr ny thelir y llỽgyr a
wnelher yndi.
Odyn biben brenhin hanher punt
a| tal or byd ty oduchti. Odyn biben
breyr o byd ty kyfreithaỽl oduchti tru ̷+
| « p 83r | p 84r » |