Breudwd Welsh Prose 1300-1425
Cymraeg

BL Cotton Titus MS. D IX – page 58r

Llyfr Blegywryd

58r

gỽreic gỽely y|gỽr heb achaỽs; talet idaỽ te+
ir bu camlỽrỽ kynny chymryt attaỽ drach+
euen. O|R ysgar gỽr a|e wreic kyureithaỽl.
a|hi yn veichaỽc. o|r dyd yd|esgorho kyuriuer
idi y|hamsser y|vagu. yr etiued a|uo yndi yna.
kannys herỽyth y|gyureith honn; blỽyd+
yn a|hanner y|mac y|vam ef. a gỽedy hyn+
ny ny|s mac y|vam dim. Os tỽylluor·ỽyn
a|geiff heb wat; y|chrys a|torrir y|tu rocdi.
a|thracheuen. ac odyna y|gỽr a|dyry idi en  ̷+
deric gỽedy iraỽ y|loscỽrnn. ac o|dichaun hi
y atal herỽyd y loscỽrnn kymeret yn|y he+
gỽedi. O|R lledir gỽr gỽreicaỽc; y|sarhaet a|tel+
ir yn gynntaf. ac odyna y|werth. trayan y
sarhaet hagen a|geiff y|wreic. O|R a merch
breyr gan ỽr yn llathrut o|e bod; pan atter.
Sef yỽ y|hegỽedi. whech eidon kyhyt eu kyrn
a|e ysgyfuarnn. Y|verch tayaỽc o|r kyfryỽ
dadyl; tri eidon kyhyt a|rei hynny a|telir.
Gỽreic gỽr ryd a|dichaun rodi y|mantell.
a|e|chres. a|e hesgittyeu. a|e phenlliein. a|e
blaỽt. a|e chaỽs. a|e|hemenyn. a|e llaeth.
heb gygor y|gỽr. a|benffyccyaỽ y holl dot+
reuyn a|eill. Ny|dyry gỽreic tayaỽc dim
heb gannyat y|gỽr onnyt y|phennguch.
ac ny eill bennffyccyaỽ dim onyt y|gogyr.