Cardiff MS. 1.363 (Hafod 2) – page 100v
Brut y Brenhinoedd
100v
1
newyd dyvot y gyt ac ef. Ac odyna gwedy darỽ+
2
ot vdvnt bwytta ac yvet o vrenynolyon anregyon
3
e deỽth e ỽorwyn dec honn o|r estavell a ffyol evr+
4
eyt en llawn o wyn en|y llaỽ a dyvot hyt rac bron
5
e brenyn ac ar tal y glynyev e dywaỽt val hynn.
6
lafyrt kyng wasseyl. Ac esef a orvc Gortheyrn y gyt
7
ac y gweles anryvedv y phryt ac emlenwy o|y serch.
8
a govyn yr yeythyd pa peth a dywedassey hy. a pha
9
peth a deley entev y vrthep ydy hytheỽ. Ar yeythyd
10
a dywaỽt. hy a|th elwys en arglwyd ac en vrenyn. ac
11
o|r galwedygaeth hvnnv y|th anrydedvs. A hynn a dy+
12
ley tytheỽ y vrthep ydy. Dryncheyl. Ac|Gorthey+
13
rn a ỽrthebvs ydy dryncheyl. ac a erchys ydy yvet
14
e llynn en kyntaf. ac entev a kymyrth e ffyol o|e
15
llaw hythev. ac ar rodes cvssan ydy ac gwedy hen+
16
ny a lewes e wyraỽt honno. Ac yr henny hyt hedyw
17
e mae e kynnevavt henne em plyth e kymry ar ky+
18
vedach. kanys e nep a yvo en kyntaf a dyweyt vr+
19
th y kytemdeyth wassheyl. ar llall a vrthep drync+
20
heyl. Ac ena gwedy medwy Gortheyrn trwy
21
amravael wyrodev ygyt ac annoc dyawul ka+
22
rỽ a wnaeth y vorỽyn a|e herchy o|y that. kanys
| « p 100r | p 101r » |