Cardiff MS. 1.363 (Hafod 2) – page 164r
Brut y Brenhinoedd
164r
ar racweler en da en e blaen y gan doethyon p+
an delher ar e gweythret havs y dyodefyr. Ac|wr+
th henny haỽs e gallwn nynheỽ dyodef ryvel gw+
yr rỽueyn os o kyffredyn kytdvundep a chytkyg+
hor en doeth er racỽedylyỽn nynheỽ pa wed e gallo+
m ny gwanhaỽ eỽ ryỽel wynt. Ar ryỽel hỽnnỽ he+
rwyd y tebygaf y nyt maỽr reyt yny y hofynhaỽ. ka+
nys an·dyledvs e maynt wy en erchy teyrnget o en+
ys prydeyn. kanys ef a dyweyt dylyw y talỽ yd+
av wrth y ry talỽ y Wlkessar. ac y ereyll gwedy
ef. a henny o achaỽs terỽysc ac an·dvundep er+
rwng en hen tadeỽ. ny ny|hỽneyn a dvgant wyr
rỽueyn yr enys honn. ac o treys y gwnaethant
en trethaỽl. Ac wrth henny pa peth bynnac a ka+
ffer o treys a thwyll a chedernyt. nyt o dylyet ky+
nhelyr hvnnỽ. Pwy bynnac a dyko treys; peth
anyledỽs a keys y kynhal. Ac* chanys andyledỽs e
maynt wy en keyssyav teyrnget e kenym ny. en
kynhebyc y henny nynheỽ a deyssyfỽn teyrng+
et y ganthỽnt wynteỽ o rvueyn. ar kadarnhaf
o·honam kymeret er hynn a keysso. kanys o
goreskynnỽs wulkessar ac amherodryon ereyll
gwedy ef enys prydeyn. ac o achaỽs hynny ar
| « p 163v | p 164v » |