Cardiff MS. 1.363 (Hafod 2) – page 17r
Brut y Brenhinoedd
17r
ned arney. ac y mynnvs brỽtvs galv yr y+
nys o|e enw ef brytaen. ar kenedyl bryta+
nyeyt. ac o henny allan er yeyth er hon a
elwyt kyn no henny yeyth tro nev enteỽ
kam groec a elwyt gwedy henny brytanec.
Ac o|r ỽn ryw dysc hỽnnv e mynnvs Coryneỽs
galỽ y ran enteỽ o|r enys kernyw. a|e pobyl
en corneỽyeyt. kanys pan rannwyt e kavas
coryneỽs dewys. ac e dewyssvs ynteỽ yr ran
honno. kanys eno yd oedynt y kewry yn amlh+
af. ac nat oed dygryfach dym kanthav entvv*
noc ymlad ar rey henny Ac ym plyth yr rey he+
nny yd oed ỽn anthyghetvenavl y ỽeynt. a deỽ+
dec kvyd* oed y hyt. A chymeynt oed y angerd
ac y tynney derwen yr e meynt o|e gwreyd me+
gys gwyalen coll ỽechan. kan yskytweyt ỽnweyth
Ac ỽal yd oed brỽtỽs dywyr·naỽt yn aberthỽ y dya+
na yn y porthloed ry|dyskynnassey yndy ynachaf
y kawr hvnnv yn dyỽot ar y ỽgeyn·ỽet o|r kewry
ereyll. y gyt ac ef ac yn gwneỽthỽr creỽlaỽn aer+
ỽa o|r brytanyeyt. Ac eyssyoes eỽ damkylchynỽ a
wnaethant e brytanyeyt ac eỽ llad oll eythyr y ka+
wr maỽr hỽnnỽ ar ry archassey brỽtỽs y kadỽ
| « p 16v | p 17v » |