Cardiff MS. 1.363 (Hafod 2) – page 42r
Brut y Brenhinoedd
42r
hynny kanys grymỽs o kyghor a doethynep y
kymyrth y ỽam holl llywodraeth y kyỽoeth y+
n|y llaỽ e|hỽn. A|phan aeth hytheỽ o leỽuer e wu+
ched hon seyssyll a kymyrth coron y teyrnas. Gw+
edy seyssyll kynỽarch y ỽap a doeth yn ỽren+
yn. Ac yn ol kynỽarch y doeth dan y ỽraỽt yn+
teỽ yn ỽrenyn. Ac yn ol dan y doeth Morỽd y ỽap
ynteỽ yn ỽrenyn a hvnnv dyrỽavr oed meynt y clot
a|e haelder pey nat ymrodey y ormod creỽlon+
der. A|phan lyttyey nyt arbedey y nep yn y lladhey
o chaffey o arỽeỽ ac ergydyeỽ y|ỽeynt honno. Ac
y gyt a|hynny teg oed o edrych arnaỽ a hael yn
rody. Ac nyt oed ereyl a ỽey kyn deỽret ac ef yn
y teyrnas o|r a alley ymkyỽerbynnyeyt ac ef. Ac
yn|y amser ef y doeth brenyn moryan a llw m+
awr kanthaỽ yr gogled a dechreỽ anreythyaỽ
y gwladoed. Ac yn|y erbyn y deỽth morỽd a holl
kynnỽlleytỽa ac yeỽenctyt y teyrnas oed eyd+
av ef. ac yn dyannot ymlad ac ef. A mwy a lad+
ey ef e|hvnan no|r rann wuyaf o|e lw. Ac gwedy
kaffael ohonav ef y wudv·goly·aeth ny dyeghys
ỽn ỽyw ny|s lladey. kanys erchi. a wnaey dwyn
| « p 41v | p 42v » |