Cardiff MS. 1.363 (Hafod 2) – page 53v
Brut y Brenhinoedd
53v
kyghor yn newyd y kyrchỽ gwyr rỽueyn kyn
kaffael o·nadỽnt ỽn dynas nac ỽn kastell ar dir
ynys prydeyn. ac yỽelly llafỽryaw y keyssyaw
yw gỽrthlad ymdeyth. kanys o cheffyn wy dy+
ỽot ym plyth kedernyt e wlat. anhaỽs a dyry+
ssach oed eỽ gỽrthlad. Ac|yna o kytdỽnndep ky+
ghor paỽb wynt a kyrchassant y traetheỽ yn y
lle yd oed Wlkessar a|e lw yn eỽ pebylleỽ. Ac|gw+
edy gossot yna y bydynoed o pob parth wynt a
kymyscassant eỽ deheỽoed ac eỽ gelynyon. a ne+
wydyaỽ dyrnodeỽ a|e gylyd. ac|ergydyeỽ yn er+
byn y lleyll. A|hep ỽn gohyr o pob parth y ssyrthy+
nt yr rey brathedyc ar ergydyeỽ yn eỽ hymys+
caroed. A chyn amlet yr redey y tywarchen o|r
gwaet a chet bey dyssyỽyt deheỽ wynt yn llyn+
ghỽ eiry yr mor. Ac ỽal ed oedynt y gwrthwy+
nebedygyon ỽydynoed yn kymyscỽ ef a dam+
wennyỽs trwy y tyghetỽen. kyỽarỽot nyn+
nyaỽ ac aỽarwy ỽap llwd a gwyr llỽndeyn ar
rey sswyd keynt yd oedynt wynteỽ yn tywsso+
gyon arnadỽnt kyỽarỽot a bydyn yr amhe+
raỽdyr. Ac gwedy eỽ hymkyscỽ* y gyt yr amh+
erodraỽl ỽydyn hayach a wascarỽs rac y bry+
| « p 53r | p 54r » |