Cardiff MS. 1.363 (Hafod 2) – page 6r
Brut y Brenhinoedd
6r
yndaw y tebygey ef bot brỽtỽs a|e ỽraỽt ynteỽ
yg karchar kanthaỽ. Ac gwedy dyỽot o·honaỽ
yn kyỽagos yr mỽroed. rannỽ y lu a orỽc yn ỽy+
dynoed ac yn torỽoed yn|y kylch a gorchymyn y
paỽb onadỽnt a orỽc llỽdyaỽ ffyrd yr gwarch+
aedygyon y dyỽot allan. ac ereyll y lỽdyas dỽfyr
ỽdỽnt. ac ereyll y ymlad ac wynt trwy amraỽael
peyryanneỽ y keyssyaỽ dystryỽ y kastell. A|phaỽb
onadỽnt yn herwyd y gellynt a wnaetheant yr hy+
nn a archassey y brenyn ỽdỽnt yn creỽlonhaf ac|y ge+
llynt. Ar rey glewhaf a deỽrhaf pan delhey y nos a
kymerynt arnadỽnt pwys yr ymlad a gadỽ yr rey a
ymladhey y dyd y nos y orffowys ac y ellwng|eỽ llỽdet
IR gwyr o ỽeỽn y mỽroed ar [ y arnadỽnt.
kastell hagen nyt oedynt segỽr wynteỽ nam+
yn trwy pob amraỽalyon kelỽydodeỽ a pheyryanheỽ
yg gwrthwynep y|ew peyryanheỽ wynteỽ yn gwrth+
wynebỽ ỽdỽnt. ac yn ỽraỽl ymlad ac wynt. gwers
yn taflỽ a magneleỽ. gwers arall yn bỽrỽ tan gw+
yllt. gwers arall yn saythỽ ac ỽn ỽryt yn gwrthw+
| « p 5v | p 6v » |