Cardiff MS. 1.363 (Hafod 2) – page 80r
Brut y Brenhinoedd
80r
wledyc. Ac gwedy gwelet o vaxen e veynt am+
ylder llw honno en e erbyn govalỽ en vavr a or+
vc kany wydyat pa beth a wnaey kanys bychan
oed o vydynoed y gyt ac ef vrth keyssyaỽ emlad
a llw kymeynt ar hvnn a oed en|y erbyn. Ac ỽrth
henny pedrvs wu kanthav emrody y emlad en er+
byn amylder e gwyr ac eỽ glewder. kanys kan
obeyth tangnheved e dothoed. Ac vrth henny galỽ
a orvc attaỽ y hynafgwyr a|e kyghorwyr. ac erchy
vdvnt mynegy e kyghor goreỽ a wypynt en erb+
yn e kyfryw damweyn hvnnỽ. Ac en kyntaf me+
ỽryc a rodes attep ydaỽ ar e wed honn. nyt oes
eb ef ynny emlad ar sawl emladwyr Glew kadarn
hynn. ac nyt o achaỽs emlad e dodym ny ema y
enys prydeyn y keyssyaỽ y goreskyn trwy emlad.
Tangnheved a archỽn a chanhyat y letyw ar e tyr
hyt pan wybydom ny medvl e brenyn. Ac vrth
henny dywedvn en bot en kennadeỽ y gan er
amheraỽdyr en arweyn kennadvry a negessev
at eỽdaf brenyn e brytanyeyt. ac e ỽelly trwy
amadrodyon kall doeth arafhavn nynhev e
pobyl honn. Ac gwedy ryngỽ bod y pavb y
| « p 79v | p 80v » |