Cardiff MS. 1.363 (Hafod 2) – page 83v
Brut y Brenhinoedd
83v
odyeythyr e torvoed ac a dan chwerthyn en
eskavyn dywedwyt wrthav val hyn. llyma
ep ef vn o|r teyrnassoed gorev o ffreync gwedy
y goreskyn o·honam ny. llyma gobeyth ynny
y orescyn e teyrnassoed ereyll. ac vrth henny br+
yssywn ny y achvbeyt e keyryd ar dynassoed ar
kestyll en dyssyvyt kynn ehedec e|chwedyl tros
eythyvoed ac emkynnvllav paỽb ar arvev en|en
erbyn. kanys o gallwn ny kaffael e teyrnas
honn ny phedrvssaf y gallv o·honam ny gorescyn
holl ffreync wrth en medyant nynheh*. Ac wrth
henny na vyt edyvar genhyt ty kanhyadv ymy
pa beth bynnac bey de delyet ty en enys prydeyn.
kanys pa peth bynnac a golleyst ty eno my a|e hen+
nyllaf y ty eman en e wlad honn. Ac|wrth henny
my a|th wnaf ty en vrenyn ar e|teyrnas honn. a
honn vyd brytaen arall. a honn a kyvanhedvn ac
en kenedyl gwedy gwrthladom ny estronolyon
kenedloed ohoney. kanys gwlat ffrwythlavn
yw honn o ydev ac avonoed kyflavn o pyscavt.
AC gwedy henny kynnvllav a chyweyryav
y bydynoed a orvc a mynet hyt en rodỽm
| « p 83r | p 84r » |