Cardiff MS. 1.363 (Hafod 2) – page 88r
Brut y Brenhinoedd
88r
gelynyon ac en amdyffyn yr kywdavdwyr. kanys
er alban er amser hvnnv dyffeyth anreyth+
yedyc oed y gan vynych kyrchev estronoly+
on kenedloed agkyfyeyth. Ac odyna gwedy
kynvllaỽ kyffredyn trevl wynt a wnaethant ac
a kvplaassant e mvr hvnnỽ en hollavl.
AC gwedy henny sef a wnaethant er rvueyn+
wyr kychwyn partha* ac ev gwlat adan vyn+
nv na chymerynt a ỽey hwy no henny llafvr a
threvl ac enbytrwyd en amdyffyn kenedyl e bry+
tanyeyt y gan kyveylyornwyr a lladron. a my+
negy hevyt ỽdvnt na chymerey rỽueynyavl ky+
voeth e mynych lvedev henny ar blynder ar pe+
rygyl en kerdet mor a thyr en emlad trostvn
a mynegy vdvnt bot en yavnach vdỽnt kym+
ryt dysc ac arvev a glewder endvnt y emlad tro+
stvnt a thros eỽ gwlat ac ev kenedyl ac y amdyf+
fyn ev bwched ac ev rydyt e|hỽneyn oc eỽ holl nerth.
Ac gwedy darvot yr rỽueynwyr rody e dysc hvnnv
ar kymmenedyw wynt a archassant kynnvllav e+
mladwyr enys prydeyn hyt en llvndeyn. kanys ody+
no e mynnynt er rvueynwyr kychwyn y eỽ gwlat
| « p 87v | p 88v » |