BL Harley MS. 958 – page 14v
Llyfr Blegywryd
14v
Enuẏnu haỽl ẏn|ẏ dẏd kẏntaf o|r ỽẏth+
nos nessaf gwedi ỻather ẏ gelein. Ac ẏn
erbẏn pen ẏ petheunos onẏ daỽ atteb kẏf+
reith ẏn rẏdhau dial. Eil ẏỽ o|r bẏdant
ẏ|dỽẏ genedẏl ẏn vn gantref. enuẏnu
haỽl ẏn|ẏ trẏdẏdẏd gwedẏ ỻather ẏ ge+
lein. Ac onẏ daỽ atteb erbẏn pen ẏ naỽ+
uetdẏd. kẏfreith a rẏdha dial. Trẏdẏd
ẏỽ os ẏn vn gẏmhỽt ẏ bẏdant. enuẏnu
haỽl ẏn|ẏ trẏdẏdẏd gwedẏ ỻather. Ac
onẏ daỽ atteb erbẏn ẏ chwechet dẏd kẏf+
reith a rẏdha dial. Tri thawedaỽc gor+
ssed. Arglỽẏd gwir ẏn gwarandaỽ ar.
ẏ wẏrda ẏn barnu eu kẏfreitheu. Ac
ẏgnat ẏn gwarandaỽ haỽlỽr ac am+
diffẏnnỽr ẏn ẏmatteb. A mach ẏn gwa+
randaỽ ẏ kẏnnogẏn a|r talaỽdẏr ẏn ẏm+
atteb. Tri gwanas gwaẏỽ kẏfreitha+
ỽl ẏn dadleu ẏssẏd gỽan ẏ arỻost ẏn|ẏ
dayar ac vn ỻaỽ ẏnẏ vo abreid ẏ tẏnnu
a dỽẏ laỽ. A gwan ẏ pen mẏỽn tỽẏn ẏnẏ
gudhẏo ẏ mỽn. A|e dodi ar lỽẏn a vo kẏuỽ+
ch a gỽr. Ac onẏ bẏd ar vn o|r teir gwanas
hẏnnẏ ot a dẏn arnaỽ mal ẏ bo marỽ.
traẏan ẏr alanas a a ar perchennaỽc
ẏ gwaẏỽ. Tri ouer ẏmadraỽt a dẏwe+
| « p 14r | p 15r » |