Oxford Jesus College MS. 119 (The Book of the Anchorite of Llanddewi Brefi) – page 29r
Ystoria Lucidar
29r
meibon yn ol eu gwarafonnev. A dygyr yr teyr+
nas megys y|dyỽedir. duỽ a gospa pob mab o|r
a gymero. A gwybyd di kyt kaffo y|rei drỽc coronn
brenhinnyaeth yma. yg|kannogyon vydant o
gỽbyl rac llaỽ. Ac ny bydant vyth hep poennev
arnadunt. Ar etholedigyonn kyt boent yg|ke+
thiỽet ac yg|karchar yma. kyfuoethaỽc vyd+
dant racllaỽ. Ac ny bydant hep poennev arna+
dunt yn wastat yn|y byt hỽnn. yr karyat duỽ
par ym glyỽet hynny yn vuanach. Y rei drỽc
yssyd dlodyonn yn wastat. Am vot bar duỽ ar+
nadunt. Ac na|mynnant da. Ac vrth hynny ny|s
gallant. Drỽc hagen a|vynnant. Ac a|allant.
Ac ef a brouet vchot am drỽc nat dim. vrth
hynny. diogel yỽ nat oes dim ar|eu helỽ. Ny
bydant wyntev byth hep poen arnunt. kannys
ev kyt·wybot kreulaỽnn yssyd yny* ev llosgi
pennydyaỽl ofuyn yssyd yn|y goualu rac ev da+
ly. Ac rac y|llad. Ac roc dỽynn ev da. Odyna y
dywedir. nyt oes tangneued med yr arglỽyd yr
rei ennwir. Yg|gwrthỽynneb y|hynny yr ethole+
digyonn yssyd gyuoethaỽc. kannys rat duỽ
yssyd ygyt ac wynt. A da a|vynnant. Ac a allant.
Ac ymỽrthot a|drỽc a|wnnant. Ny bydant hep o+
brỽy. kannys diofuyn vydant. A|llaỽen o|hyspys+
| « p 28v | p 29v » |