Oxford Jesus College MS. 119 (The Book of the Anchorite of Llanddewi Brefi) – page 81r
Ymborth yr Enaid
81r
Sef yỽ dim. Absenn a gỽrthỽyneb y bop ryỽ beth
Ac am hynny odieithyr kylch pob ryỽ beth y|mae
a chyt ac ef y|mae pechaỽt. kannys vn ryỽ yỽ
pechaỽt a|dim ac am hynny y collir y|pechadu+
ryeit trigedigyon byth yn|y pechodeu gyt a|dim
o achaỽs ymadaỽ o·nadunt y|ar|hynn ysyd bop
drỽy dodi eu|hynvytserch ar dim. Ac ymgyss+
ylltu ac ef. A bellach megys y kyssyllda yr yn+
vytserch amseraỽl|dim nev bechaỽt|dim y|ser+
chaỽl a dim. Velle y kyssyllda annỽylserch tra+
gyỽydaỽlbeth y|serchaỽl a duỽ yr hỽnn ysyd
bop ryỽ beth yn tragyỽydaỽl. Ac velle drỽy yr
annỽylserch garyat hỽnnỽ a|del o wrychyonn
yr yspryt glan yr hỽnn ysyd annỽylserch gary+
at y|tat ar|y|mab. ar mab ar|y|tat. y kyssylldir
kreadur dyn a greaỽdyr duỽ holl gyfuoethaỽc.
Ac velle y|teruyna yr eil rann o|r llyuyr hỽnn.
nyt amgen noc o dỽyỽaỽl garyat.
TRaether bellach am|y tryded rann nyt am+
gen am|berlewycuaeu a|marỽhunev a|delont
o|r dỽyỽaỽl garyat hỽnn. Ac o naỽ|rad yr egyly+
on. Gỽedy aruerych o|r dyỽedigyon campeu v+
chot drỽy ochel y|gỽydyeu. Ac ymỽrthot ac
ỽynt. Ac o syrthy yndunt vedyginaetheu y|bra+
thev drỽy y|medyginaethev a|dyỽet pỽyt vry.
| « p 80v | p 81v » |