Oxford Jesus College MS. 20 – page 23r
Ymborth yr Enaid
23r
lonyon greaduryeit. A|r dagreu hyny
a elwit gwlith yr yspryt glan. y rei
hynny a degỽyd·ynt y myỽn kaỻonneu
y penytdynyon a wnelynt eu penyt
yn deilỽng. A diogel vydei yno ry gaf+
fel rat y gan yr yspryt glan a|e gỽbyl
anỽylserch garyat. Ac y·rỽng y deu
rudellyon lygeit yd oed yn kyrchu byr+
grỽnn destluslỽys eneu. a thrỽyn kyflad+
drỽm vnyaỽnllym a froeneu agoret.
Ac yn gwanegu serchaỽl·vryt garyat
arafber gyffro y dỽywolyon froeneu.
Ac yg·kylch y nefaỽl drỽyn hỽnnỽ yd
oed deu glaerwynnyon ganheitbryt
ỽyneb kyngrynyon. a rychwant a+
myl y|r gỽr mỽyaf yn eu hyt ac araỻ
yn eu llet. A|r gwynuededic ỽyneb hỽn+
nỽ a oed kyn|decket a chyn agluret. ac
na ellit kyffylybu idaỽ neb ryỽ grea+
dur corfforaỽl na nefaỽl na daearaỽl
megys gwyn eiry ystỽyỻ. neu wynn
| « p 22v | p 23v » |