Oxford Jesus College MS. 57 – page 238
Llyfr Blegywryd
238
ỽynteu. caeedic uyd. Ryd vyd rannu tir bop
ony wedir dylyu y rannu yr bot yn gaeedic yr
U al hy nn y dyly brodyr rannu [ amser.
tir yryngthunt. Pedeir erỽ ỽrth bop
ty·dyn. a gỽedy hynny y symudaỽd bledyn
uab kynuyn deudec erỽ y vab uchelỽr. ac ỽ+
yth y uab eiỻt. a|phedeir y|r godaeaỽc. ac eis ̷+
soes kadarnaf yỽ y mae pedeir erỽ yỽ y tydyn.
Ony byd tei ar tir. y mab ieuaf a|dyly rannu
yr hoỻ tref·tat. a|r hynaf dewis. ac o hynaf y
hynaf ueỻy hyt att y ieuaf. Os tei a|vyd y
braỽt eil ieuaf a|dyly rannu y tydyneu. ka+
nys dylyrbren vyd ef yna. a|r hynaf dewis ar
y tydyneu. ac ỽynteu wedy hynny a|dyly ran+
nu hoỻ tref·tat. ac o|hynaf ueỻy hyt ar y ieu+
af dewissaỽ. a|r rannyat hỽnnỽ a bara yn oes
y brodyr. Tir kyỻidus hagen ny dylyir y
rannu herỽyd brodyr. namyn maer a|chyng+
heỻaỽr a|dylyant y rannu. a rodi y baỽp kys+
tal a|e gilyd yn|y dref. ac ỽrth hynny y gelwir
yn dir kyfrif. ac ny byd erỽ diffodedic yn|tir
| « p 237 | p 239 » |