Oxford Jesus College MS. 57 – page 81
Llyfr Blegywryd
81
geint yỽ gỽerth pob un ohonunt. Baed kenue+
in. ac arbennic kenuein. a|hỽch yng|kyuer gỽest+
ua y brenhin. ~ ~ ~ ~ ~ ~ ~ ~ ~
T Eir ford y|diwedir gỽybydyeit am tir. vn
yỽ. henuryeit gỽlat y wybot ach ac eturyt
y dỽyn dyn ar y dylyet o tir ygyt a|e gereint. Eil
yỽ. amhinogeu tir. nyt amgen gỽr o bop randir
o|r dref y wybot ranneu a ffinyeu rỽng y wely+
gord. Trydyd yỽ. meiri a chyngheỻoryon. y|gadỽ
teruyneu y|kymydeu. kanys brenhin bieu y ter+
uyneu hynny. Tri dyn y telir gỽeli tauaỽt u+
dunt. y|r brenhin pan dywetter geir garỽ ỽrthaỽ.
ac y vraỽdỽr pan|wystler yn|y erbyn am iaỽn
varn|os ef a|e kadarnhaa. ac y|offeiryat yn|y eglỽys
yn|y teir|gỽyl arbennic. neu rac bronn y bren+
hin yn darỻein ỻythyreu. neu yn|eu hysgriuennu.
Tri pheth a|geidỽ cof ac a|seif yn|ỻe tyston y dyn
ar y dyn ar y dylyet o tir. ỻe hen|odyn. neu pen*+
taneu. neu ysgynuaen. Tri chowyỻ* ỻys yssyd.
kerỽyn ved. a braỽt. a|chathyl. kynn eu|dangos y|r
| « p 80 | p 82 » |