NLW MS. 3035 (Mostyn 116) – page 56r
Brut y Brenhinoedd
56r
a elwir yr aỽr hon exon. A gỽedy dechreu ymlad a|r
gaer honno ym|pen y|seithuet dyd nachaf weiryd a|e
lu yn dyuot ac yn dianot yn ymlad ac ỽynt A|r dyd
hỽnỽ y|ỻas ỻawer o|pop parth Ac ny chafas yr vn y
vudugolyaeth. A|thranoeth gỽedy bydinaỽ o|pop parth
y doeth y vrenhines yrydunt. Ac y|tagnefedỽys eu ty+
wysogyon Ac odyna yd anuonasant eu kytuarchogyon
hyt yn iwerdon A gỽedy mynet y gayaf heibaỽ ymchoe+
lut a wnaeth vaspasianus parth a rufein A|thrigyaỽ
a oruc gỽeiryd yn ynys brydein A gỽedy dynessaỽ gỽei+
ryd parth a heneint karu gỽyr rufein a oruc A|thraethu
y deyrnas drỽy hedỽch a|thagnefed a|chadarnhau y kyf+
reitheu a oed ossodedic yr y|dechreu A gossot ereiỻ o|newyd
a|rodi rodyon maỽr ehalaeth y|r a|e harchei. Ac y·veỻy
y* ehedỽys y glot dros ter·uyneu europa. Ac ygyt a|hẏnẏ
y ofyn a|e garu a oed ar wyr rufein. A|mỽy a|dywedit
ymdanaỽ e|hun yn rufein. noc am vrenhined hoỻ
teyrnassoed y bẏt A hynnẏ a dywaỽt juuenal ỽrth nero
amheraỽdyr rufein. Pan y koffaỽys yn|y lyfyr ef. Ti a
geffy heb ef vrenhin creulaỽn kadarn y|th erbyn o ynys
brydein. A heb petrus gỽeiryd a·darweindaỽc oed hỽnnỽ
Nyt oed yn|ymlad gỽr gadarnach noc ef. nyt oed ar|he+
dỽch gỽr arafach. nyt oed vn digrifach. nyt oed yn rodi
da gỽr haelach A gỽedyteruynhu y vuched a|e varỽ
y cladỽẏt yg|kaer loyỽ y|myỽn temyl a|wnathoed e
hun yn enryded y loyỽ amheraỽdyr rufein.
A gỽedy marỽ gỽeiryd y doeth meuruc y vab ynteu
yn vrenhin. Gỽr enryfed y|prudder a|e doethineb
oed hỽnnỽ Ac ym|pen yspeit gỽedy y vot yn* gỽ+
ledychu y doeth Rodri brenhin y fichteit. o sithia a
| « p 55v | p 56v » |