Breudwd Welsh Prose 1300-1425
Cymraeg

NLW MS. 3035 (Mostyn 116) – page 57v

Brut y Brenhinoedd

57v

coel. A|e vedydẏaỽ a|e ymchoelut at grist. o|e hoỻ gaỻon.
dechreu a|wnaeth y bobyl yn|y ỻe rydec attadunt ac o
dysc ac agreiff eu brenhin credu y|duỽ. Ac eu bedyd+
yaỽ yn enỽ crist drỽy fyd gatholyc Ac veỻy eu rifaỽ
ym|plith y gleinẏon genueino  ed ac eu talu y grist
eu creaỽdyr ỽynt Ac ysef a wnaethant y gỽynue+
nedicẏon athraỽon hẏnnẏ gỽedy daruot vdunt
dileu kamgret o|r hoỻ ynys. y|temleu a oed gỽedẏ
eu seilaỽ y|r geu dỽyweu. Kysegru y|rei hẏnnẏ ac
eu haberthu y|r gỽir duỽ hoỻ·gyfoethaỽc ac y|r ebes+
tyl a|r seint A gossot yndunt amryfael genueinoed
o vrdas y lan eglỽẏs y|dalu dỽywaỽl wassanaeth
y eu creaỽdẏr yndunt Ac yn|yr amser hỽnnỽ yd
oedynt yn ynys brydein yn talu enryded y|r geu
dỽyweu. ỽyth temyl ar|hugeint. a|their prif temyl
y ar hẏnny a oed uch noc ỽynteu Ac ỽrth gyfreitheu
y|rei hẏnẏ y darystygei y rei ereiỻ oỻ. Ac o arch yr
abostolaỽl wyr hẏnnẏ y|ducpỽẏt y temleu hẏnnẏ y
ar y|geudỽyeu Ac yd aberthỽyt y duỽ ac y|r arglỽydes
veir. Ac ym pop vn o|r ỽyth temyl ar hugein gossot
escob. Ac ym pop vn o|r teir temyl arbenhic hẏnnẏ
gossot archescob. A|ranu yr ỽyth temyl ar hugeint
yn teir ran ỽrth vfydhau y|r tri archescob. Ac eisted+
uaeu y|tri archescob yn tri ỻe bonhedickaf yn|ynys
brydein. Nyt amgen ỻundein a|chaer effraỽc a|chaer
ỻion ar ỽysc. Ac y|r tri dinas hynnẏ darestỽg yr ỽẏth
ar|hugeint. A gỽedy ranu ynys prydein yn deir ran
y dygỽydỽys yn ran archescob kaer efraỽc. deifyr
a byrneich a|r alban megys y|keidỽ hymbẏr. Ac
ỽrth archescobaỽt lundein y doeth ỻoeger a|chernyỽ
Ac odyna kymry