NLW MS. 3036 (Mostyn 117) – page 56
Brut y Brenhinoedd
56
Elidir y tryded weith yn vrenhin. A phan aeth o|r byt
hỽnn; yd edewis a·greiffeu da yn| y ol. A guedy marỽ
elidir. y doeth Rys mab Gorbonyaỽn yn vrenhin.
A hỽnnỽ a delis o gỽbyl yn ol gueithredoed elidir y
ewythyr. A guedy marỽ Rys; y| doeth margan vab
arthal. A hỽnnỽ o dysc y| rieni a wnaeth iaỽnder a
guiryoned. A Guedy marỽ Margan; y doeth Eyna+
ỽn y vraỽt ynteu yn vrenhin. A phellau a oruc yn+
teu. y ỽrth weitredoed* y vraỽt. Ac am y| greulon+
der y byrỽyt yn| y chwechet ulỽydyn o|e teyrnas. Ac
yna y| doeth idwal vab owein y gar yn| y le. A hỽnnỽ
a wnaeth iaỽnder a guiryoned rac ofyn damwein
y| gar. Ac yn ol idwal. y| doeth Run vab peredur. Ac yn
ol Run y doeth Gereint vab elidir. Ac yn ol Gereint
y| doeth kadell y uab ynteu. Ac yn ol kadell y deuth
koel. Ac yn ol koel y doeth porrex. Ac y porrex y bu
tri meib. FFulgen. Ac eidal. Ac andryỽ. A rei hynny
a wledychỽys pop vn guedy y| gilyd. Ac yn eu hol
ỽynteu y| doeth vryen vab andryỽ. Ac yn ol andryỽ
y| doeth eluyd. Ac yn ol eluyd y doeth clydaỽc. Ac yn
ol clydaỽc y doeth clydno. Ac yn ol clydno y doeth
Gorỽst. Ac yn ol gorỽst y doeth meiryaỽn. Ac yn ol
meiryaỽn y doeth bleidut. Ac yn ol bleidut y doeth
caph. Ac yn ol caph; y doeth owein. Ac yn ol owein
y doeth seissyll. Ac yn ol Seissyll; y doeth blegywryt
Ac ny bu yn| yr oessoed kantor kystal ac ef. A rac da+
het y canei; y| gelwit duỽ y guaryeu. Ac yn| y ol yn+
| « p 55 | p 57 » |