NLW MS. 3036 (Mostyn 117) – page 87
Brut y Brenhinoedd
87
londer a molest a brytanyeit o achaỽs ry ymadaỽ o ̷+
nadunt ac arglỽydiaeth guyr rufein. A gỽrhau y
garaỽn. Sef a wnaeth y brytanyeit heb allu diodef
hynny. duunaỽ ygyt. a|gỽneuthur Asclepiodotus
tywyssaỽc kernyỽ yn vrenhin arnadunt. Ac ody ̷+
na kynnullaỽ llu ac ymlad a guyr rufein. Ac yna
yd oed allectus yn llundein yn guneuthur gỽylua+
eu y|ỽ tadolyon dỽyeu. Ac eissoes pan gigleu ef bot
y|brytanyeit yn dyuot am y pen. peidaỽ a oruc ar
abertheu yd oed yn eu gỽneuthur. A mynet odiei ̷+
thyr y dinas a|e gedernyt gantaỽ. A guedy bot
ymlad yrydunt. Aerua diruaỽr y meint a las o pop
parth o·nadunt. Ac yna eissoes y goruu asclepiodotus
a|r brytanyeit. A guascaru bydinoed guyr rufein.
Ac eu kymhell ar ffo. Ac yn yr erlit hỽnnỽ llad al+
lectus a llawer o vilyoed o·nadunt. A guedy guelet
o lelius gallus ketymdeith allectus ry gaffel o|r
brytanyeit y uudugolyaeth. Sef a wnaeth yn+
teu kynnullaỽ yr hyn a diaghassei o|e getymdei ̷+
thon a|chyrchu kaer lundein. A chayu y pyrth a|ch+
ynhal y dinas arnadunt o tebygu gallu gochel
eu hageu uelly. Ac eissoes sef a|wnaeth asclepio+
dotus eu guarchae yno ỽynt. Ac anuon ar pop ty+
wyssaỽc yn ynys prydein y uenegi yr daruot idaỽ
ef ry lad allectus a|llawer o vilyoed y gyt ac ef.
A|e vot ynteu yn guarchae yr hyn a diaghassei
yg kaer lundein. Ac ỽrth hynny erchi y paỽb yn
| « p 86 | p 88 » |