NLW MS. 3036 (Mostyn 117) – page 98
Brut y Brenhinoedd
98
llu kymeint a hỽnnỽ gantaỽ ynteu. A dywedut
nat oed tebic y gerdetyat kennadeu. namyn y|elyn+
yon a|uynhynt anreithaỽ guladoed. Ac yna y dywa+
ỽt y kennadeu. nat oed tec kerdet gỽr kyfurd a
hỽnnỽ yn anogonedus heb luossogrỽyd o getym ̷+
deithon enrydedus ygyt ac ef. kanys uelly y mae
teilỽg kerdet ygyt a|phop vn o amherodron rufein.
rac kaffel perigyl a chewilyd y gan eu gelynyon;
kerdet toruoed llawer a bydinoed y eu kadỽ y fford
y kerdont. tagnefed a geissant. tagneued a dybor+
thant. Ac arỽyd yỽ hynny er pan doethant y|r tir
y|r ynys hon; ny wnaethant na grym na sarhaet
na threis y neb. namyn yr eur ac aryant prynu
eu kyfreideu megys kenedyl dyborthaỽdyr hedỽch.
heb geissaỽ nac y treis nac yn rat dim y|gan neb.
Ac val yd|oed kynan meiradaỽc yn pedrussaỽ beth
a wnelhei ae ymlad ac ỽynt ae hedychu. dynessau
a oruc karadaỽc iarll kernyỽ a|r guyrda ereill gyt
ac ef. A chyghori hedychu ac ỽynt. A chyn bei drỽc
gan gynan; rodi hedỽch a|wnaethpỽyt vdunt. A
dỽyn maxen ygyt ac ỽynt hyt yn llundein ar eudaf
vrenhin y brytanyeit. A datganu idaỽ mal yr daroed.
AC yna y kymyrth karadaỽc iarll kernyỽ guyr+
da ygyt ac ef. A guedy eu dyuot rac bron y bren+
hin. dywedut a wnaeth val hyn. Arglỽyd heb ef;
llyma yr hyn yd|oed y|guyr a|th garei ti yn|y damunaỽ
eiroet. A duỽ yn llunyaethu hynny hediỽ. Ac yn|y an+
| « p 97 | p 99 » |