NLW MS. Peniarth 15 – page 10
Breuddwyd Pawl
10
yn|y gymryt Ac yn|ẏ anvon y|r tẏwẏllwch eithaf yn|ẏ lle yd oed
wylaw a chrynv danned A|thristwch heb leỽenyd ac yna y|dywat
yr angel Cret ti bawl pan yw val y|gỽnel dẏn yn y bẏd yma
ẏ|keiff ef rac llaw. Odyna y|gwelei ef engẏlẏon yn dwẏn eneit
manach gwẏn o|e gorff Ac ẏn|ẏ annvon ẏ|r nef Ac ẏna y|kly+
wei pawl lleff mil o|viloed o|engẏlẏon yn llawenhav wrthaw ac
yn dywedvt O dẏtẏ eneit detwẏddaf bẏd lawen kan gwnaethost
ewyllvs dvw Ac yna dyrchavael yr eneit geir bronn dvw. y dar+
llein y|weithredoed da Ac yna y|dvc mihangel yr eneit y|baradwys
lle yd|oed yr engylẏon a|r enidev* da n |ẏ erbẏnnẏeit A|gawr o|lewenyd
a|rodassant val ẏ|tebygat bot yr hevl a|r lloer a|r nef a|r dayar yn
kyffroi Ac ẏna llevein a|orvc ẏ|rei o|r poenev a|dẏwedvt trvgarhaa
wrthym vihangel a phawl ebostol eirolwch drossom ar dvw
kanẏs ni a|wdam ẏ|mae trwẏ ych gwediev chwi ẏ|kẏnhelir ẏ|nef
a|r daẏar wylwch chwithev a ninhev A wẏlwn ẏgyt a|chwi yny
drvgarhao dvw wrthywch ac wrthẏm ninhev A lleuein a|orvc
mihangel a phawl a|milẏoed o engẏlẏon a|r|niver oed n |ẏ poenev ygyt
ac wynt hẏnẏ glẏwit y llef ẏn|ẏ bedeweryd* nef yn|dẏwedvt arglw+
yd grist trvgarhaa wrth veibon ẏ|dẏnẏon Ac yna y|glwelas* pawl
y nef yn kẏffroi a|dvw a|r gorom* am|ẏ|benn a|r nifer a|oedẏnt yn vf+
fern ẏn|ẏ wediaw Ac yn dywedvt trvgarhaa wrthym vab dvw
byw gorvchel. Ac yna y|klywei bawl llef ẏn|dẏwedvt wrthvnt pa+
ham na|wnaethawch|wi dim o|r da val y|gallewch erchi bendith a|gor+
ffwys Y|mi y|rodet ẏ|gwenwyn o|e|ẏvet Mi a wanpwẏt o|r gwaẏw
Mi a|ymrodeis ẏ|anghev yr ẏch bẏwyt chwi A|chwithev ge+
uawc o|r lledrat a|r kebẏdẏaeth a|r balched a|distryw yr eglwysseu ac
attal ẏ degemev A|phob amravael drwc heb wevthvr* dim da nac vn+
prẏt nac alvssen. Ac ẏna y|gostẏnghawd mihangel A|phawl a|r engyl+
yon geir bron dvw y|adolwẏn idaw rodi gorffwys dvw Sul y|r eneidev
a|oedẏnt yn vffern Mi a|e rodaf ef* yr arglwyd yr mihangel a phawl
Ac ẏr vẏ|naẏoni vẏ hvn orfwys vdvnt o awr nawn dvw sadwrnn
hyt awr brim dvw llvn Ac yna ẏ|drychavawd ef odi|ar y|pennev
edẏrval drẏssawr vffern A Cerebivs y|gi a|thristav yn vawr.
A|llawenhav a|orvc y nifer a|oedẏnt yn vffern. A|dẏwedvt ygyt
oll ni ni a|dywedwn dẏ|vot ti yn vab dvw bẏw kan rodeist ynni orffwys
duw Svl Ac wrth hynny pwy|bynnac a ynrydeddho dvw Sul
ef a vyd kyfranawc a|y orffwys gyt ac engẏlẏon nef ac yna y|gof+
uynnawd pawl y r angel pẏ|sawl poen ẏsẏd ẏn vffern A|r angel a|dywat
| « p 9 | p 11 » |