NLW MS. Peniarth 15 – page 42

nẏt amgen gallv a|gwẏbot nev doethineb. a|daẏoni a|r tri pheth hẏnnẏ a

briodolir a|their person y|drindawt kanẏs. y|r|tat y|priodolir gallv kanys

ef ẏsẏd holl·allvhvs a|hollgyvoethawl. Y|r mab y|priodolir doethineb a gw+

ybot kanẏs ef yw y|gwir doethineb a|gwẏbot a|gẏmerth dynyawl gna+

wt ac a|wyr pob ryw beth Y|r ysprẏt glan y|priodolir daeoni a|thrvgared

kanẏs ef ẏsyd holl·drvgarawc kanys o·honaw ef drwẏ y|drvgared y

kẏmyrth y|mab y|dynyawl gorff a|anet o|veir wẏrẏ Y|teir person hynny

kyt boet pob vn onadvnt yn berffeith·gwbẏl dvw eissoes vn dvw

ynt yn vndwolder tragywydawl heb vot yn vwẏ nac yn llei y|dwyvol+

der yn vn o|r teir person no|e gilẏd nac ẏn|ẏ teir person y·gyt noc yn vn

o·honvnt Nac vn onadvnt yn gynt no|e gilyd nac vn yn ol y|gilẏd nam+

ẏn y|teir person yn gymharẏeit gyfoedon gyt·tragẏwdolyon Ac a|elwir

o|dirgeledic enw alpha et omega. Sef yw hẏnnẏ. a. ac. o. dechrev a|diwed a lly+

thyren teir·coglawc yw ac a|arwẏdocka teir person y|drindawt Yn|ẏ gogyl

vchaf y|tat ẏn|ẏ gogyl issaf o|r tv dehev y|mab kanys ef a|gẏveiste ar de+

hev dvw dat ẏn|ẏ gogyl arall issaf o|r tv assev yr yspryt glan ef ẏssyd ẏn

gyfuret caryat annwẏserch* yrwg y|tat a|r mab o llẏthẏren gron yw

heb dechrev a heb diwed yndi kanẏs ympob lle o|beth krwn y|keir di+

wed a|dechrev ac yr hẏnnẏ nyt oes na diwed na dechrev arnaw Ac

am hẏnnẏ diwed a|dechrev yw ẏn|y|chẏlch a honno a|arwydocka vndw+

yvolder y|teir person ẏsẏd dechrev a|diwed y|pob peth kẏn·ny bo na de+

chrev. na diwed arnaw A|llẏma y kylch tri ac vn ysyd pob peth ka+

nẏs o·honaw y|mae pob peth yn dyvot a|thrwydaw ef y|daw pob

peth ar*. yndaw y|tric pob peth megẏs y|dẏweit pawl ebostol keffelybr+

wẏd y hynnẏ a|ellit y|gẏmrẏt ar gylch krwnn pedwarkoglawc a|ellit

y ysgythrv val hynny nyt amgen gwnevthvr kylch krwn ar|weith. o.

Ac yn|y kylch hwnnw ysgythrv a ẏn trichoglawc ac ẏn|ẏ gogyl vchaf

o|r a ysgẏthrv* dvw dat Yn|ẏ gogẏl vchaf o|r a ysgythrv mab dvw.

Sef yw hwnnw iessv grist Yn|ẏ gogyl arall o|r tv assev ẏsgẏthrv yr

ẏspryt glan ar ffvryff colomen yn gyfvlawn o|dan yr hwn a arwẏ+

docka caryat annwylserch ysyd yn kynniret serchawl garyat y|tat ar y

mab a|r mob* ar y|tat o llẏtheren gron yw heb na dechrev na diwed ar+

nei kanẏs y·mpob lle arnei ẏ|keffir dechrev a|diwed honno a|arwẏdocka

vndwyolder y|teir person Yn|ẏ van vchaf o|r kẏlch hwnnw yn lle y|mae

y|dwyrein llvvyer y|tat ẏn|ẏ goled* o|r tv dehev y|r tat llvvẏer y|mab ẏn|ẏ

dehev o|r tv assev y|r tat llvvyer yr spryt* glan yn anvon nev yn kynni+

ret gwrychẏon o|dan y|karyat annwylserch yrwg y|tat a|r mab Yn|ẏ gor+

llewin y|waeret llvvẏer yr eglwys lan gatholic yr hon ẏsẏd wreic bwys