NLW MS. Peniarth 18 – page 19v
Brut y Tywysogion
19v
1
ỽein y gastell. ac y dugassei y dreis nest y wre+
2
ic a|e hysbeil a|e hanreith. Y ymlit a|orugant
3
ac yỽein heb dybygu bot gỽrthenebed idaỽ a
4
gymerth y hynt yn|araf. ac wynteu gan y
5
ymlit ef a doethan yn ebrỽyd hyt y|lle yd
6
oed ef ar anreith gantaỽ. a|phan ỽelas ket+
7
ymdeithon ywein diruaỽr luossogrỽyd y+
8
n|y hymlit dyỽedut a|ỽnaethant ỽrthaỽ. lly+
9
ma diruaỽr luossogrỽyd yn hymlit heb a+
10
llu o|neb ymỽrthlad ac ỽynt. ac atteb udunt
11
a|ỽnaeth. nac ofnehỽch heb ef achaỽs bydin+
12
oed y|flemisseit ynt. a|gỽedy dywedut hynny
13
o|nebun gynhỽrỽf eu kyrchu a|ỽnaeth. a|diod+
14
ef y gynhỽryf a|wnaethant yn|ỽraỽl. Gwedy
15
bỽrỽ saetheu o pop tu y|dygỽydaỽd yỽein yn
16
vrathedic. a|gỽedy y|dygỽydaỽ ef yd|ymhoela+
17
ỽd y getymdeithon ar ffo. a|phan gigleu lyỽar+
18
ch ap Trahayrn hynny ymhoelut ef a|e wyr dra+
19
chefen a|ỽnaeth y|wlat. a|gỽedy y|lad ef y kyn+
20
helis y vrodyr y|ran ef o|powys. eithyr yr hynn
21
a|dugassei ywein kynn no hynny y|gan vare+
22
dud vab bledyn nyt amgen kereinaỽn. yr|hỽnn
23
oed eidaỽ Madaỽc ap Ridit kynn no hynny. ac
24
enỽeu y vrodyr yỽ y rei hynn nyt amgen. Ma+
25
daỽc ap Cadỽgaỽn. a|gỽenllian verch Gruffud
26
ap kynan. ac Eynaỽn vab Cadỽgaỽn o|sanan
| « p 19r | p 20r » |