NLW MS. Peniarth 18 – page 42r
Brut y Tywysogion
42r
yna y|llas ricart abat cleryuaỽt myỽn manachloc
yn ymyl remys y gann neb un anffydlaỽd* vynach
o vrath kyllell. Y ulỽydyn racỽynep y|bu uarỽ
kynan abat y|ty gỽynn. Ac adann escop mynyỽ.
Ac yn|y ol y|dynessaaỽd pyrs yn escop. Ac yna y|kyn+
halyaỽd yr arglỽyd rys wled arbennic yn aber
teiui. Ac y gossodes deu ryỽ amrysson. Vn rỽg y
y*|beird ar prydyon. Ac arall rỽg y|telynoryon. ar
crythoryon. a|phibydyon. ac amryuaelon gened*+
dloed kerd arỽest. A|dỽy gadeir a ossodes y vudu+
golyon yr amryssoneu. A rei hynny a gyuoetho+
ges ef o diruaỽryon rodyon. Ac yna y|cauas gỽas
Jeuanc o|e lys ef y|hun y|uudugolyaeth o|gerd ar+
ỽest. A gỽyr gỽyned a|gauas y|uudygolyaeth o
gerd tauaỽt. a phaỽb o|r kerdoryon ereill a gaỽss+
ant y|gann yr arglỽyd rys kymeint ac archys+
sant. hyt na|ỽrthladỽyt nep. Ar ỽled honno a|gy+
hoedet ulỽydyn kynn y gỽneuthur. ar|hyt ky+
mry a lloegyr. a phrydein. ac iỽerdon. a|llaỽer o
ỽladoed ereill. Yn|y ulỽydyn honno yn|y garaỽys
yr ymgynnullaỽd kygor hyt yn llundein ỽrth ga+
darnnhav kyfreitheu yr eglỽysseu yno ger bronn cardi+
nal o rufein a|dathoed yno ỽrth y|neges honno.
A gỽedy meithrin kynnhỽryf yrỽg archescop ke+
int. ac archescob iorc. y|teruysgỽyt y|kyghor.
kanys y|dyd kynntaf o|r kyghor y achubassei ar+
| « p 41v | p 42v » |