NLW MS. Peniarth 18 – page 45r
Brut y Tywysogion
45r
1
y arnaỽ y|peruedỽlat a|dugassei yntev kynn o|hynny
2
y|ar lyỽelyn ap ioruerth. Y|vlỽydyn racỽyneb ỽedy
3
gỽelet o rys Jeuanc y|vot ynn dirann o|gyuoeth.
4
anuon kennadev a|oruc at y|brenhin y|eruyneit
5
idaỽ trỽy y|nerth ef peri idaỽ rann o|tref y|dat. Ac
6
yna yd anuones y|brenhin at synysgal henford.
7
Ac at fauk synyscal caer dyf. A gorchymyn vdunt
8
peri y|rys gryc rodi castell llann ymdyfri ar|ỽlat.
9
neu yntev a|gilyei o|r|teyrnnas oll ar|dehol. a|gỽe+
10
dy dyfynnv rys gryc y attep ỽrth orchymynn y
11
brenhin. dyỽedut a|oruc yn atep na ranney ef vn
12
erỽ a|rys Jeuanc. A|llityaỽ a|oruc rys Jeuanc.
13
A|chynullaỽ diruaỽr lu o|vrecheinnaỽc a|dyuot
14
y|treis a|oruc y ystrat tyỽi. a|phebyllyaỽ yn|y|lle
15
a|elỽir trallỽyn elgan. dyỽ ieu ỽedy yr ỽythuettyd
16
o ỽyl seint hvllar. A thrannoeth dyỽ gỽener y|de+
17
uth ataỽ oỽein y|vraỽt a|faỽcoc synyscal caer
18
dyf. A|e lluoed. A|thrannoeth kyrchu a|orugant
19
gyuoeth rys gryc. A|chyỽeiraỽ y|bydinoed a|dodi
20
rys Jeuanc a|e vydin yn|y blaen. Ac* faỽcoc a|e vy+
21
din yn|y canaỽl. Ac yỽein ap grufud a|e vydin ynn ol.
22
Ac ny bu bell yny gyfaruu rys gryc a|e lu ac
23
ỽynt. Ac yn|y vrỽydyr ar|vydin gynntaf y|goruu+
24
ỽyt ar rys gryc a|e ỽyr. Ac y|kilyaỽd ar ffo. ỽe+
25
dy llad rei o|e|ỽyr. a|dala ereill. Ac yna yd aeth rys
26
Jeuanc ar veder ymlad a chastell dinefỽr. Ac eis+
| « p 44v | p 45v » |