NLW MS. Peniarth 190 – page 18
Ystoria Lucidar
18
yr kymryt o·honam ninneu angreifft y
ganthunt ỽy y ystudyaỽ ac y lauuryaỽ ar
da discipulus Pa le y crewyt dyn. Magister Yn ebron. yn|y
ỻe y bu uarỽ ac y cladỽyt wedy hynny. ac o+
dyna y gossodet ef ym|paradwys. discipulus Pa|ryỽ
beth yỽ paradỽys neu pa|le y mae. Magister|Y lle
teckaf yỽ yn|y dwyrein. yn|yr hỽnn y gossodet
anryuaelyon genedyloed o|r gỽyd yn erbyn
amryuaelon diffygyeu. megys pei bỽyttaei
dyn o|ffrỽyth ryỽ brenn yn|y amser. ny byd+
ei newyn arnaỽ o hynny aỻan. ac o araỻ
o|r bỽytaei. ny bydei sychet arnaỽ vyth. O
araỻ ny blinei vyth. O araỻ ny henhaei
vyth. Ac yn|y diwed yr hỽnn a vỽytaei o
brenn y vuched. ny chlevychei vyth. ac ny
bydei varỽ vyth. discipulus Pa le y crewyt gỽreic. Magister
Ym paradwys o ystlys gỽr ac ef yn kysgu.
discipulus|Paham o|r gỽr. Magister Megys y bydynt vn
gnaỽt. ac vn vedỽl drỽy garyat. discipulus Pa ryỽ
gysgu oed hỽnnỽ. Magister ỻewyc ysprydaỽl. kanys
duỽ a|e duc o baradỽys nefaỽl yn|y ỻe y dan+
| « p 17 | p 19 » |